ఏదో గుండె అంతా బాధ

ఏదో కోల్పోయాననే భావన

ఇదా అదా లేక వేరేదా ఏమో

ఆ బాధకు ఆవిరవ్వడం తెలీదు

గుండెపై మరింత భారమైతే మోపడం తెలుసు

చిరునామా తెలియని వేదన

ఇది సంవత్సరాల అన్వేషణ

వయసుపైనబడిందో లేక మాయదారి రోగమో!!?

స్పష్టమైన జవాబు ఇప్పటికి లేదు.

కొందరు పైత్యమని

మరికొందరు చాదస్తమని

పలువురు పిచ్చి అని కూడా

కానీ బాధ మాత్రం నిత్యం నిద్రకు రెండువైపులా తెగ ముస్తాబవుతుంటుంది..